- Auglýsing -
Dikta var að senda frá sér nýtt lag og heldur stórtónleika 16. júní í Eldborg, Hörpu í tilefni af 20 ára afmæli sveitarinnar og 10 ára afmæli plötu sinnar Get It Together.
Lagið Anniversary er samið af meðlimum Diktu og unnið í samstarfi við Magnús Öder sem sá um upptökustjórn og hljóðblöndun á laginu.
Í maí 2011 fékk Dikta það hlutverk að spila á opnunartónleikum í Eldborgarsal í Hörpu og varð þar með fyrsta rokkhljómsveitin til að spila í tónlistarhúsinu. Þann 16. júní hyggst Dikta snúa aftur í Hörpu og líta yfir farinn veg.
Leikin verða lög af öllum plötum Diktu og segjast hljómsveitarmeðlimir vera fullir tilhlökkunar vegna viðburðarins.
Aðeins er um þessa einu dagsetningu að ræða.